Berriozarko Udalak emakumeen kontrako indarkeriak sortutako egoera eta beharrak ezagutzeko ikerketa abiatu du eta, bide horretan, berriozartarren iritzia jaso nahi du. Beraz, biziki eskertuko dizugu ondoko galdetegia betetzea, zure iritziak lagunduko baitigu indarkeria jasan duten emakumeak laguntzeko udal politika publiko egokiak diseinatzen.
Emakumeen kontrako indarkeria da emakumeek jasaten dutena emakume izateagatik: min edo kalte fisiko, psikologiko, sexual edo ekonomikoak; baita mehatxuak, larderiak, hertsapenak eta askatasunaren urraketa bidegabeak ere, bizitza publikoan zein pribatuan. Adin txikiko neskak emakumeen multzoan daudela ulertzen da.
INDARKERIA MOTAK:
· Indarkeria fisikoa: emakumearen gorputzaren kontrako edozein ekintza bortitz, min edo kalte fisikoa eragiten duena edo eragin dezakeena.
· Indarkeria psikologikoa: emakumearen oinazea, gutxiespena, isolatzea edo askatasunaren murrizketa sortzen dituen edozein jokabide, ahozkoa izan ala ez; hala nola mehatxuak, derrigortzeak, laidoak, sumisioa behartzea, jazarpena, hertsapena eta irainak.
· Indarkeria ekonomikoa: emakumearen eta haren seme-alaben ongizate fisiko nahiz psikologikorako baliabideak nahita eta legez justifikatu gabe kentzea, baita bikotearen bizikidetza-esparruan bienak diren baliabideak erabiltzeko diskriminazioa.
· Indarkeria sexuala: onartu gabeko edozein sexu ekintza, indarkeria, larderia, nagusikeria edo manipulazio emozionala tarteko direla; exhibizionismoa edo sexu harremanak behatzea eta behartzea barne.
INDARKERIAREN ADIERAZPENAK:
· Indarkeria bikotean edo izandako bikotean: emakumearen kontrako indarkeria fisikoa, psikologikoa, ekonomikoa edo sexuala; indarkeriazko ingurunean bizi diren haurrengan duen eragina barne.
· Emakume eta nesken aurkako sexu-indarkeria: sexu-erasoa, sexu-abusua eta sexu- jazarpena edozein dela esparrua: familia, komunitatea, hezkuntza-arloa, lana edo arlo publikoa.
· Feminizidioa: bikotean edo bikote ohian eginiko homizidioak, sexu-indarkeriarekin lotutako hilketak, prostituzioaren eta emakumezkoen salerosketaren testuinguruan egindakoak, ohoreagatik edo ezkonsariengatik hildakoak eta neskatoen infantizidioa.
· Emakumeen eta nesken salerosketa: sexu edo lan esplotazioa edo zerbitzari izateko ezkontza helburu izanik, emakumeak eta neskak atzematea, lekuz aldatzea, hartzea do jasotzea.
· Prostituzioa eta sexu-esplotazioa: beste pertsonekin sexu-harremanak izatea diruaren truke.
· Gazteegi ezkontzea, ezkontza hitzartua edo behartua.
· Emakumeen genitalen mutilazioa.
Emakumeen duintasuna, osotasuna edo askatasuna kaltetzen dituen edo kalte ditzakeen beste edozein indarkeria mota; nazioarteko itunetan, Espainiako Zigor Kodean edo Estatuko nahiz Foru Komunitateko araudian aurreikusita dagoen moduan.
(14/2015 Foru Legea, apirilaren 10ekoa, Emakumeen kontrako Indarkeriari aurre egitekoa. 3. artikulua.)
Mila esker zure parte-hartzeagatik eta genero berdintasuna Berriozarren sustatzeagatik!
Berdintasunerako Estatu Idazkaritzaren bidez Lehendakaritza, Gorteekiko Harremanak eta Berdintasun Ministerioak emandako diruarekin ordaindutako jarduera.